Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Жалал-Абад облустук бөлүмүнүн кызматкерлери Сузак районунда 2023-жылдын 22-ноябрында көмүрдүн бааларына мониторинг жүргүзүштү.

Мониторинг учурунда Сузак районунун Таш-Булак айылында жайгашкан көмүр сатуучу жайда белгиленген баадан тоннасына 400 сомго жогору сатып жаткандыгы аныкталды.

Белгиленген максималдуу баадан жогору сатып жаткан көмүр сатуучу А.З.Т. КР “Укук бузуулар” Кодексинин 290-беренесинин 1-пунктуна ылайык 3000 (үч миң) сом  айып пул салынды.

Көмүрдүн баасын төмөндөтүп, негизсиз жогорулатпоо боюнча сатуучуга түшүндүрүү иштери жүргүзүлдү.