Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Баткен облустук бөлүмүнүн 2023-жылдын 10-октябрындагы №11 буйругу менен 1 сорттогу буудай унунан жасалган нанына (бөлкө нан) жана нан азыктарына (тандыр нан) белгиленген максималдуу дүң жана чекене бааларына 2023-жылдын 22-ноябрында Баткен шаарында мониторинг жүргүзүлдү.

Учурда 420-430 гр. бөлкө нан чекене баада 25 сомдон, тандыр нандар салмагына жараша чекене баада 212-260 гр. 20 сомдон, 235-285 гр. 25 сомдон сатылып жаткандыгы аныкталды.

Андан сырткары Монополияга каршы жөнгө салуу кызматынын Баткен облустук бөлүмүнүн кызматкерлери Баткен шаарындагы көмүр сатуу түйүндөрүнө мониторинг жүргүзүлдү.

Түшүндүрүү иштеринин жүрүшүндө көмүрдүн максималдуу деңгээли ээленгени 1кг – 9,50 сомдон, ээленбегени 1 тн. – 9 000 сомдон, белгиленгени жөнүндө көмүр сатуучу ишкерлерге маалыматтар айтылып, кышкы жылуулук берүү мезгилинде көмүрдүн мамлекеттик белгиленген баасында туруктуу кармоо жана негизсиз көтөрүлүшүнө жол бербөө максатында түшүндүрүү иштерин жүргүзүштү.  Түшүндүрүү иш чаранын негизинде 6 жеке ишкерлерге белгиленген баадан жогорулатып сатпоо боюнча эскертүүлөр берилди.