Эт бааларынын өсүшүнө жол бербөө максатында Бишкек шаары боюнча бөлүмдүн кызматкерлери Экономика жана коммерция министрлигине караштуу Монополияга каршы жөнгө салуу кызматынын өкүлдөрү муниципалдык инспекция, МТУ жана Ленин райондук ИИБ менен биргеликте Ош базарынын эт павильонунда көчмө мониторинг жүргүзүштү.

Текшерүү уй этин жана кой этин (сөөксүз эттен тышкары) сатууну камтыды. Мониторингдин жыйынтыгында сатуучулар жана ишкерлер менен мамлекеттик баа коюу нормаларын жана Кыргыз Республикасынын керектөөчүлөрдүн укуктарын коргоо боюнча мыйзам талаптарын сактоо зарылчылыгы тууралуу түшүндүрүү иштерин өткөрүштү.

Ошондой эле Ош базарында этке коюлган жөнгө салынуучу бааларды ашыргандыгы үчүн КРнын «Укук бузулар» кодексинин 290-беренесине ылайык 13 000 сом өлчөмүндө административдик айып салынды.