Кыргыз Республикасынын Министрлер Кабинетинин 2023-жылдын 8-сентябрындагы “Социалдык  маанилүү  товарларга  бааларды мамлекеттик  жөнгө салуу жөнүндө” №455 токтомунун жана Кыргыз  Республикасынын  Экономика  жана коммерция министрлигинин 2023-жылдын 18-октябрындагы “Кыргыз  Республикасынын  аймагында  көмүргө  болгон  бааларды убактылуу мамлекеттик  жөнгө салууну киргизүү жөнүндө” №133 буйругунун негизинде, Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн 2023-жылдын 25-октябрындагы №4/28 буйругу менен Ош облусунун аймагында калкка сатылуучу көмүрдүн чекене бааларынын максималдуу денгээли 90 календарлык күндүк мөөнөткө белгиленди.

Аталган буйруктун аткарылышын көзөмөлдөө максатында, 2024-жылдын 17-январь күнү Ош облустук бөлүмүнүн кызматкерлери Ош облусунун Кара-Суу районунун Шарк айыл өкмөтүнүн орун басары  менен биргеликте Кара-Суу районунун Шарк айыл өкмөтүнүн аймагында көмүр сатуучуларга көмүрдүн чекене бааларынын максималдуу денгээли белгиленгендиги жөнүндөгү буйрук менен тааныштырып, буйруктун аткарылышы жөнүндө түшүндүрүү иштери жүргүзүлдү.                                            

Түшүндүрүү иштеринин жүрүшүндө Кара-Суу районунун аймагында көмүрдүн максималдуу деңгээли электен өткөнү 1кг 7,3 сомдон, эленбеген түрү 1 тоннасы 6500 сомдон белгиленгени жөнүндө маалымат берилип, бааны көтөрбөө боюнча түшүндүрүү иштери жүргүзүлдү. Андан сырткары, сатуучуларга белгиленген баадан ашык сатпоо боюнча эскертилди. Бүгүнкү күндө көмүр белгиленген баада сатылып жатат, таңкыстык жок.