Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмүнүн 2023-жылдын 26-октябрындагы №45 буругу менен көмүргө болгон белгиленген максималдуу чекене бааларына 2023-жылдын 6-декабрында мониторинг жүргүзүлдү.

Мониторинг жана түшүндүрүү иштери Чүй облустук бөлүмүнүн кызматкерлери тарабынан Ысык-Ата жана Аламүдүн райондорунда жүргүзүлдү.

Мониторингдин жүрүшүндө көмүр сатуучулар арасында көмүргө болгон баалардын максималдуу деңгээлин белгилөө жөнүндө» буйруктун аткарылышы боюнча жана белгиленген баадан ашык сатбоо боюнча эскертүүлөр берилди.

Мониторинг учурунда көмүр сатуучу жайларда, баанын илинбегендиги жана  таразалардын жоктугу аныкталды. Жыйынтыгы менен көмүр сатуучу ишкерлерге бааларды көрүнүктүү жерге жайгаштыруу, таразаны камсыз кылуу боюнча эскертүүлөр берилди

Ошондой эле Кыргыз Республикасынын “Керектөөчүлөрдүн укуктарын коргоо жөнүндө” мыйзамынын негизинде берилген эскертүүлөр өз убагында аткарылбаган учурда Кыргыз Республикасынын Укук бузуулар Кодексинин ылайык чара көрүлөрү маалымдалды.  

Чүй облустук бөлүмүнүн кызматкерлери жергиликтүү өз алдынча башкаруу органдарынын жана райондук мамлекеттик администрациялардын кызматкерлери менен биргеликте мониторинг жүргүзүүнү дагы улантат.