2023-жылдын 8-декабрында Аба-ырайынын кескин төмөндөшүнө байланыштуу, көмүрдүн баасынын спикулятивдүү жогорулоосун алдын алуу максатында – Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн кызматкерлери жана Талас шаарынын мэриясынын өкүлү менен биргеликте, Талас шаарында жайгашкан көмүр отуну сатылуучу жайларга мониторинг жүргүзүлдү.

Бул иш-чаранын жүрүшүндө көмүр отунун баасына байкоолор жана ишкерлерге түшүндүрүү иштери жүргүзүлдү.

Алсак, бүгүнкү күндө Талас облусунун Талас шаарынын социалдык көмүр отун базасында жергиликтүү көмүр 1 тоннасына – 5900 сомдон, ал эми импорттук көмүр 1 тоннасын – 8200 сомдон сатып жатканы белгилүү болду. Башка көмүр отун базаларында жергиликтүү көмүр салмагы 1 кг эндей -6,0 сомдон, капталган кызматы менен 1 кг – 6,5 сомго чейин, ал эми импорттук көмүр 1 кг эндей 8,4 – 8,8 сомдон, ал эми каптап бергени – 9,0 сомго чейин сатылып жатканы белгилүү болду.

Учурда Талас шаарында көмүрдүн баасы буйрукта белгиленген чектен ашпай сатылып жатканы аныкталды. Бул жүргүзүлгөн иш-чаранын жыйынтыгы боюнча Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн башчысын м.а. Б.Р. Токтогулов тарабынан – “ЭлТР” телеканалына маалымат берилди.