Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмүнүн 2023-жылдын 9-октябрындагы №42 буругу менен 1 сорттогу буудай унунан жасалган нанына (бөлкө нан) жана нан азыктарына (тандыр нан) белгиленген максималдуу дүң жана чекене бааларына 2023-жылдын 05-декабрьрында Токмок шаарында мониторинг жүргүзүлдү.

Мониторинг жана түшүндүрүү иштери Токмок шаардык мэриясынын кызматкерлери менен биргеликте болду.

Мониторингдин жүрүшүндө нан (бөлкө нан) жана нан азыктарын (тандыр нан) өндүрүүчүлөр (нан бышыруучулар) жана сатуучулар арасында биринчи сорттогу буудай унунан жасалган нанына (бөлкө нан) жана нан азыктарына (тандыр нан) баалардын максималдуу деңгээлин белгилөө жөнүндө» буйруктун аткарылышы боюнча жана белгиленген баадан ашык саткан ишкерлерге ооз эки эскертүүлөр берилди.

Мониторинг учурунда нандын (бөлкө нан) жана нан азыктарынын (тандыр нан) бааларында белгиленген баадан ашык саткан учурлар жокко эсе, ал эми нан азыктарынын баалары керектөөчүлөр үчүн көрүнүктүү жерге илинбегендиги жана маалыматтын жоктугу аныкталды. Жыйынтыгы менен нан жана нан азыктарын сатуучу ишкерге Кыргыз Республикасынын Укук бузуулар Кодексинин 390-беренесинин негизинде 1000 сом айып пул салынды.

Чүй облустук бөлүмүнүн кызматкерлери жергиликтүү өз алдынча башкаруу органдарынын жана райондук мамлекеттик администрациялардын кызматкерлери менен кайрадан берилген эскертүүлөрдүн аткарылышы боюнча мониторинг жүргүзүүнү улантат.