Кыргыз Республикасынын Экономика жана коммерция министирлигине караштуу Монополияга каршы жөнгө салуу кызматынын Ош шаары боюнча  бөлүмү тарабынан Ош шаарыныны Ленин көчөсү 111 дарегиндеги “Азия” ири соода жайына айып пул салынды.

2023-жылдын 20-ноябрь күнү Ош шаардык бөлүмүнүн кызматкерлери Ош шаарындагы “Азия” гипермаркетинде 1-сорттогу буудай унунан жасалган 260 грамм тандыр наны 30 сомдон сатылып жаткандыгы аныктаган.

Тактап айтканда, белгиленген баадан 4 сомго жогору сатылып жаткан.Ош шаардык бөлүмүнүн 2023-жылдын 9-октябрындагы “Ош шаары  боюнча 90 календардык күнгө 1-сорттогу буудай унунан жасалган нандын (бөлкө нан), нан азыктарынын (тандыр нан) чекене бааларынын максималдуу децгээлин белгилөө жөнүндө” №9 сандуу буйруктун талабы боюнча 260 грамм салмактагы бөлкө нан – 26 сомдон сатылуусу зарыл.

Буйруктун талаптарын аткарбагындыгы үчүн “Азия” гипермаркетине Кыргыз Республикасынын “Укук бузуулар жөнүндө” Кодексинин 290-беренесинин 1-пунктуна ылайык юридикалык жак катары 13000 (он үч миң) сом өлчөмүндө айып пул салынды.