Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Жалал-Абад облустук бөлүмүнүн кызматкерлери 2023-жылдын 23-ноябрында Жалал-Абад шаарынын Б.Осмонов көчөсүндө жайгашкан соода түйүндөрүндө социалдык маанилүү товарлардын бааларына мониторинг жүргүзүштү.

         Мониторингдин жыйынтыгы менен “Дасторкон” маркетинде нан жана нан-азыктарын сатуучу ижарачы А.К.А.га 402 граммдык бөлкө нанды 28,00 сомдон, же белгиленген баадан 1,87 сомго ашык сатып жаткандыгы аныкталып, КР “Укук бузуулар” Кодексинин 290-беренесинин 1-пунктуна ылайык 3000 (үч миң) сом айып пул салынды.

 Мониторинг учурунда түшүндүрүү иштери жүргүзүлүп, бааны төмөндөтүү жагы белгиленди.