Жалал-Абад облустук бөлүмүнүн кызматкерлери 2023-жылдын 15-ноябрь күнү Сузак райондук мамлекеттик администрациясынын Экономикалык өнүктүрүү түзүмдүк бөлүмүнүн башкы адиси Б.Үсөнбаев жана Сузак райондук мамлекеттик салык башкармалыгынын тийиштүү адистери менен биргеликте, Сузак районунун аймагында көмүрдүн бааларына мониторинг жүргүзүштү.
Көмүр сатуучуларга көмүрдүн чекене бааларынын максималдуу деңгээли белгиленгендиги жөнүндөгү буйрук менен тааныштырып, буйруктун аткарылышы боюнча сатуучуларга түшүндүрүү иштери жүргүзүлдү.
Сузак районундагы көмүрдүн бааларына мониторинг жүргүзүүнүн алкагында Р.Абдураимов аттуу жеке ишкер тарабынан көмүрдүн белгиленген баасынын тоннасына 700 сомго жогору сатып жаткандыгы аныкталып, Кыргыз Республикасынын “Укук бузуулар жөнүндөгү” Кодексинин 290-беренесинин 1-бөлүгүнүн негизинде 3000 (үч миң) сом айып пул салынды.
Сатуучуларга мындан ары көмүргө болгон бааларды, белгиленген баадан жогорулатпоо жана сатылып жаткан көмүр тууралуу толук маалыматтарды жазып, көрүнүктүү жайга илинип турушу керектиги боюнча эскертүүлөр берилди.