Кыргыз Республикасынын Министрлер Кабинетинин 2023-жылдын 8-сентябрындагы “Социалдык  маанилүү  товарларга  бааларды мамлекеттик  жөнгө салуу жөнүндө” №455 токтомунун жана Кыргыз  Республикасынын  Экономика  жана коммерция министрлигинин 2023-жылдын 3-октябрындагы “Кыргыз  Республикасынын  аймагында  биринчи  сорттогу  буудай  унунан жасалган  нан (бөлкө нан), нан азыктарына (тандыр  нан) бааларды убактылуу мамлекеттик жөнгө салуу жөнүндө” №129 буйругунун негизинде,  Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын  Ош облустук бөлүмүнүн (мындан ары–Бөлүм) 2023-жылдын 9-октябрындагы №4/27 буйругу менен, Ош облусунун аймагында сатылуучу биринчи  сорттогу буудай унунан жасалган нан (бөлкө нан), нан азыктарынын (тандыр нан)    чекене жана дүн баасынын жогорку чектик денгээли белгиленди. Аталган буйруктун аткарылышын көзөмөлдөө максатында, 2023-жылдын 26-октябрь күнү Бөлүмдүн кызматкерлери, Борбордук аппараттын, Ноокат райондук администрациясынын жана салык кызматынын кызматкерлери менен биргеликте Ноокат районунун аймагында нан жасоочуларга жана нан сатуучуларга, биринчи сорттогу буудай унунан жасалган бөлкө жана тандыр нандын чекене жана дүң баасынын жогорку чектик денгээли белгиленгендиги жөнүндөгү буйрук менен тааныштырып, буйруктун аткарылышы жөнүндө түшүндүрүү иштери жүргүзүлдү. Бүгүнкү күндө сатылып жаткан 226-250 грамм тандыр нандын дүң баасы 20-22 сомдон, чекене баасы 20-25 сомдон сатылып жаткандыгы аныкталды.

            Мониторинг учурунда 1 нан жасоочу жай 350 граммдык нанды 40 сомдон жаткандыгы аныкталып, бааны төмөндөтүү боюнча түшүндүрүү иштери жүргүзүлүп, 1 жазма эскертүү берилди.