Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмүнүн 2023-жылдын 9-октябрындагы №42 буйругу менен 1- сорттогу буудай унунан жасалган нанга (бөлкө нан) жана нан азыктарына (тандыр нан) белгиленген максималдуу дүң жана чекене бааларына Токмок шаары боюнча мониторинг жүргүзүлдү.
Мониторинг жана түшүндүрүү иштери Токмок шаардык мэриясынын жергиликтүү экономикалык өнүгүү бөлүмүнүн башчысы Н.Т.Түркмөнованын катышуусунда болду.
Мониторингдин жүрүшүндө нан (бөлкө нан) жана нан азыктарын (тандыр нан) өндүрүүчүлөр (нан бышыруучулар) жана сатуучулар арасында биринчи сорттогу буудай унунан жасалган нанына (бөлкө нан) жана нан азыктарына (тандыр нан) баалардын максималдуу деңгээли белгилөө жөнүндө» буйрук менен тааныштырылды жана белгиленген баадан ашык саткан ишкерлерге ооз эки эскертүүлөр берилди.
Мониторинг учурунда нан (бөлкө нан) 1 кг 2 сомдон 8 сомго чейин, нан азыктары (тандыр нан) 7 сомдон 15 сомго чейин белгиленген баадан кымбат сатылып жаткандыгы аныкталды. Жыйынтыгы менен нан азыктарын (тандыр нан) чыгаруучу ишкерлерге бааны арзандатуу боюнча эскертүүлөр берилди.
Ал эми Токмок шаарында нан (бөлкө нан) чыгаруучу ишкерлер жок болгондугуна байланыштуу Бишкек жана Чүй облусунун башка райондорунда жайгашкан ишкерлер тарабынан чыгарылган нандар (бөлкө нан) сатылууда. Белгиленген чекене баадан кымбат саткан ишкерлерге дагы эскертүүлөр берилди.
Чүй облустук бөлүмүнүн кызматкерлери Токмок шаардык мэриясынын кызматкерлери менен кайрадан берилген эскертүүлөрдүн аткарылышы боюнча мониторинг жүргүзүү улантылат.