Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Жалал-Абад облустук бөлүмүнүн кызматкерлери, Таш-Көмүр шаарында, шаардык мэриянын экономика бөлүмүнүн башчысы Н.Т.Меңдибаев менен  биргеликте 2023-жылдын 18-октябрында 1-сорттогу буудай унунан жасалган нан жана нан азыктарынын бааларына мониторинг жүргүзүштү.

Мониторинг учурунда Таш-Көмүр шаарынын аймагында жайгашкан 4 навайканада нандын баасы боюнча түшүндүрүү иштери жүргүзүлдү.

 Таш-Көмүр шаарынын аймагындагы навайканаларда 290гр. тандыр наны дүң баада 24,00 сомдон (1кг.-82,75 сом), соода түйүндөрүндө чекене баада 27,00 (1кг.-93,10 сом) сомдон, же белгиленген максималдуу баадан 1 даанасы 2,00-2,50 сомго чейин арзан, ал эми  450 гр. бөлкө наны дүң баада 29,00 сомдон (Шамалды-Сай шаарчасынан ташылат), соода түйүндөрүндө жана борбордук базарда чекене баасы 32,0 сомдон сатылып жаткандыгы, же белгиленген баага салыштырмалуу 2,00-3,00 сомго чейин жогорку баада сатылып жаткандыгы аныкталып, бааны төмөндөтүү боюнча түшүндүрүү иштери жүргүзүлдү.

Нандын баасынан сырткары, мониторинг учурунда Таш-Көмүр шаарындагы ун, көмүр, эт жана социалдык маанилүү товарларды сатуучуларга бааны негизсиз жогорулатпоо боюнча түшүндүрүү иштери жүргүзүлдү.