Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Жалал-Абад облустук бөлүмүнүн кызматкерлери 2023-жылдын 2-августунда Кочкор-Ата шаардык мэриясынын Салык бөлүмүнүн башкы инспектору Т.Сейитбеков жана башка тийиштүү кызматкерлер менен биргеликте Кочкор-Ата шаарынын борбордук базарындагы социалдык жактан маанилүү товарлардын бааларына биргелешкен мониторинг жүргүзүштү.

Биргелешкен мониторингдин негизги максаты шаардагы социалдык жактан маанилүү болгон товарлардын (азык-түлүктүн) бааларын турукташтыруу жана негизсиз жогорулатпоо болуп саналат.

Ошону менен бирге сатуучуларга Кыргыз Республикасынын “Атаандаштык жөнүндөгү” жана “Керектөөчүлөрдүн укуктарын коргоо жөнүндөгү” мыйзамдарында көрсөтүлгөн талаптар боюнча түшүндүрүү иш-чаралары жүргүзүлдү.

Биргелешкен мониторингдин жыйынтыгында, Кочкор-Ата шаарынын борбордук базарындагы социалдык жактан маанилүү товарлардын баалары төмөндөгүчө аныкталды:

Кочкор-Ата шаарынын борбордук базарында жана соода түйүндөрүнө мониторинг жүргүзгөн учурда, сатуучулар сезондук товарлардын (азык-түлүктүн) баалары бир аз жогорулагандыгын жана бул убактылуу көрүнүш экендигин, айрым товарлар май, ун жана башка ушул сыяктуу азык-түлүктөр мурдагыга салыштырмалуу арзандаганын билдиришти.

Мындан арыда жергиликтүү бийлик органдарынын өкүлдөрү менен ушундай иш- чаралар улантылат.