Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын (мындан ары –Кызмат) Жалал-Абад облустук бөлүмүнө 2023-жылдын 22-май күнү Жалал-Абад шаарынын Спутник кичи районунун Жеңи-Жок көчөсүнүн №52/48 батиринин тургуну Култаева Айгерим Тынышбековна аттуу жаран арызы менен кайрылып, арызда 2023-жылдын 10-апрель күнү Сузак районундагы “Байэл” базарынын №190А контейнеринен “Бирюса-W6033” маркасындагы муздаткычты (холодильник) 3 жылга кепилдик мөөнөтү менен 26 000 сомго сатып алгандыгын, сатуучулар тарабынан кепилденген карталары (талон) берилгендигин, бирок тилеке каршы аталган муздаткыч 10 күндөн кийин иштебей калгандыгын жана өз убагында сатуучуларга барып товарды (муздаткычты) алмаштырып же акчасын кайтарып берүүсүн талап кылса, жеке ишкер тарабынан кабыл албай койгондугун билдирип, аталган муздаткычты алмаштырып же акчасын кайтарып берүүсү боюнча арыз менен кайрылган. Кызматтын Жалал-Абад облустук бөлүмүнүн кызматкерлери керектөөчү А.Култаеванын арызын карап, териштирип, Сузак районуна караштуу “Байэл” базарынын №190А контейнеринин сатуучусу Мусаева Зирегул аттуу жеке ишкерге аталган арыз боюнча Кыргыз Республикасынын “Керектөөчүлөрдүн укуктарын коргоо жөнүндө” мыйзамынын талаптарынын негизинде териштирүү менен түшүндүрүү иштери жүргүзүлдү. Керектөөчү А.Култаеванын жазган арызынын жана Кыргыз Республикасынын “Керектөөчүлөрдүн укуктарын коргоо жөнүндө” мыйзамынын алкагында жүргүзүлгөн түшүндүрүү иш-чараларынын негизинде арыз берүүчү (керектөөчү) А.Култаеванын арызы канааттандырылды, тактап айтканда “Бирюса-W6033” маркасындагы муздаткычка бөлүмдүн кызматкерлеринин катышуусунда алмаштырылып берилди.