Кыргыз Республикасынын Президентинин 2022-жылдын 26-апрелиндеги №131 “Ысык-Көлдүн экологиясын сактоо боюнча кечиктирилгис чаралар жөнүндө” кабыл алынган Жарлыгы 21-июнда күчүнө кирди. Монополияга каршы жөнгө салуу кызматы/Служба антимонопольного регулирования төрагасынын орун басары А.А. Мамыралиев жана Метрологиялык көзөмөл башкармалыгы тарабынан 2023-жылдын 12-июнь күнү «Глобус» жана «Фрунзе» соода түйүндөрүнүн өкүлдөрү менен жолугушуу өткөрүлдү. Жолугушуунун жүрүшүндө 2023-жылдын 21-июнунан баштап күчүнө кирген Жарлыктын 1-1-пунктунда белгиленген: “Ысык-Көл облусунун курорттук-рекреациялык зонасынын аймагында полимер пленкасынан жасалган баштыктарды колдонууга жана сатууга тыюу салуу” боюнча талкуу жүргүзүлдү. Ишкердик субъекттеринин өкүлдөрү Жарлыктын талаптарын колдоп, полимер пленкасынан жасалган баштыктарды кагаз жана чүпүрөк баштыктарга алмаштыруу боюнча иш-аракеттери жүрүп жатканын билдиришти. Кызматтын Метрологиялык көзөмөл башкармалыгынын башчысы А. Ахмеджанова тарабынан кагаз баштыктарды чыгарган ишканалар жана алардын продукциясынын баалары тууралуу маалымат берди.