Эттин баасын жогорулатпоого жол бербөө максатында Монополияга каршы жөнгө салуу кызматынын Чүй облустук бөлүмүнүн кызматкерлери Жайыл, Сокулук, Ысык-Ата райондорунда, ошондой эле Токмок шаарында эттин базардагы чекене баасына мониторинг жүргүзүштү. Эттин орточо базар баасы төмөндөгүдөй: Жайыл району – кой эти 560-570 сом, уй эти 500-530 сом; Сокулук району – кой эти 560-570, уй эти 490-530; Ысык-Ата району – кой эти 560 сом, уй эти 540-560 сом; Токмок шаары – кой эти 500-540 сом, уй эти 500-540 сом. Белгилеп кетчү нерсе уйдун сулп этинин баалары (сөөгү жок эт) 580 сомго чейин болууда. Акыркы 1 ай ичинде эт сатуучу ишкерлердин билдирүүсүндө, эттин баасында кымбаттоо болгон жок. Бирок мал базарларда ири мүйуздүү малдын жана койдун баалары кымбат болгондугуна карабастан, эттин баасын бир калыпта кармап тургандарын билдиришти. Эт сатуучулар мал базарлардан, мал байлаган фермерлерден түз сатып алып, мал союлуучу жайларга сойдуруп өздөрү ортомчулары жок сатышат. Берген маалыматтары боюнча 1 кг эттен 20-30 сом пайда көрүшөт. Чүй облустук бөлүмү тарабынан ар жума сайын жүргүзүлүп жаткан мониторингтин жыйынтыгы боюнча эттин баалары төмөндөгүдөй:

2023-жылдын январь-май айларын салыштырганда уй этинин баасы 5,0 сомго арзандаган же 0,95 %, кой эти 20,0 сомго, же 4,1 %. кымбаттаган