2023-жылдын 13-май күнү Монополияга каршы жөнгө салуу кызматынын Метрологиялык көзөмөл башкармалыгынын башчысы Айнура Ахмеджанова баштаган адистер, Бишкек шаарынын №4 жалпы билим берүү мектебинин жыйындар залында тегерек стол өткөрүштү. Жыйынга Бишкек шаарындагы жалпы мектептердин өкүлдөрү катышты. Тегерек столдун максаты – «Кыргыз Республикасынын мамлекеттик туусунун жана гербинин техникалык өзгөчөлүгү» тууралуу маалымат берүү болуп, атайын даярдалган презентация өткөрүлдү. Мамлекеттик символдорго коюлган талаптар боюнча маалыматтык видеороликте, гербдин жана туунун техникалык өзгөчөлүгүнүн талаптары катышуучуларга кенен түшүндүрүлдү.