Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Бишкек шаары боюнча бөлүмүнүн кызматкерлери Бишкек шаарынын аймагында (Орто-Сай базары, Москва жана Шопоков көчөлөрүндө) эт павильондору жана эт сатуу түйүндөрү (сөөксүздөн башка уй жана кой эти) боюнча мониторинг жүргүзүштү.

Бул иш-чаранын жүрүшүндө “Бишкек шаарынын аймагында этке (уй эти жана кой эти сулп этинен башкасы) баалардын максималдуу деңгээлин белгилөө жөнүндө” буйрукту жана керектөөчүлөрдүн укуктарын коргоо чөйрөсүндөгү Кыргыз Республикасынын мыйзамдарын сактоо боюнча сатуучулар менен түшүндүрүү жана буйрук менен тааныштыруу иштери жүргүзүлдү.