2025 – жылдын 4 – август күнү Бишкек шаары боюнча бөлүмүнүн кызматкерлери Бишкек шаарында жайгашкан соода түйүндөрүндө мониторинг жүргүзүштү.
Мониторинг Кыргыз Республикасынын Өкмөтүнүн 2014-жылдын 30-сентябрындагы № 560 токтому менен бекитилген “Кыргыз Республикасынын аймагында товарлардын айрым түрлөрүнө соода жүргүзүүнүн эрежелеринин” 22-1 пунктунун аткарылышы боюнча жүргүзүлдү.
Кыргыз Республикасынын Өкмөтүнүн 2020-жылдын 24-январындагы №26 “Кыргыз Республикасынын аймагында соода ишин тартипке келтирүү жөнүндө” токтомун аткаруу максатында, Бишкек шаары боюнча бөлүмүнүн кызматкерлери 2025-жылдын 4-августунда “Глобус”, “Народный”, “Азия”, “Азбука” ж.б. соода түйүндөрүндө мониторинг өткөрүлдү.
Иш-чаранын жыйынтыгында 50 чарчы метрден жогору болгон соода түйүндөрүнүн арасынан, “Глобус”, «Народный», «Азбука» гипермаркеттеринде гана “Кыргызстанда жасалган” (“Made in Kyrgyzstan”, “Изготовлено в Кыргызстане”) шелфтокерлери бар экендиги аныкталды.
Мониторингдин жүрүшүндө башка соода түйүндөрүнүн администрациялары менен жогорудагы көрсөтүлгөн токтомдун 22-1-пунктунун талаптарын так аткаруу максатында, “Кыргызстанда жасалган, Сделано в Кыргызстане, Made in Kyrgyzstan” аркылуу товарлардын чыгарылган өлкөсү менен ата мекендик өндүрүш товарлары үчүн өзүнчө стеллаждарды/текчелерди бөлүп берүү менен Бишкек шаары боюнча бөлүмүнүн кызматкерлери тарабынан түшүндүрүү иштери жүргүзүлдү. Соода түйүндөрүнүн администрациялары тараптан аталган талаптар туура кабыл алынып, жакынкы арада эрежеге ылайык соода сатык жүргүзүлөрүн билдиришти.
Аталган иш чаралар Бөлүм тарабынан үзгүлтүксүз жүргүзүлүп турат.