Сезондук факторго байланыштуу айрым ата мекендик цемент чыгаруучу завод “Терек-Таш ЖЧК жана Түштүк-Кыргыз цемент” жак бир капка 10 сомдон 20 сомго чейин (50 кг) цементтин баасы бир аз кымбаттаган. “Кант цемент заводу” ААК цементтин баасы көтөрүлгөн жок. Муну менен катар “Терек-Таш” ЖЧК пландык оңдоо иштерине байланыштуу үстүбүздөгү жылдын 4-майынан тартып цементти берүү көлөмүн кыскартты.

Курулуш мезгилинин активдешүүсүнө байланыштуу ата мекендик заводдор цементтин негизги көлөмдөрүн ири берүүчүлөргө, анын ичинде Мамлекеттик ипотекалык компанияга (МИК) берип жатышат, жана ошого жараша экинчилик рынокто цементти сунуштоонун көлөмү төмөндөдү.

Мында экинчилик рынок жогоруда көрсөтүлгөн жагдайларга токтоосуз реакция жасады жана цементти ак ниетсиз сатуучулар тарабынан баалардын алып-сатарлык жогорулашы байкалды.

Түзүлгөн кырдаалга байланыштуу кызматтын аймактык органдары тарабынан мыйзам менен жүктөлгөн ыйгарым укуктардын алкагында баалардын негизсиз жогорулашына бөгөт коюу/жол бербөө максатында жер-жерлерде бааларга мониторинг жүргүзүү жана реализаторлор менен түшүндүрүү иштери жүргүзүлгөн жана улантылып жатат.

Жүргүзүлгөн иш-чаралардын натыйжасында айрым региондордо цементтин баасы арзандады.

Белгилей кетсек, түзүлгөн кырдаал убактылуу болуп саналат, жакынкы күндөрү “Терек-Таш” ЖЧК заводунда оңдоо иштери аяктап, “Кант цемент заводу” ААКда кошумча цех ишке киргизилип, рыноктогу абал турукташууда.

Мындан тышкары, цементке болгон суроо-талаптын жогору экендигин эске алуу менен, курулуш аянтчаларынын үзгүлтүксүз иштешин камсыз кылуу максатында, КР Министрлер Кабинети тарабынан цемент алып кирүүгө тыюу салууну алып салуу жөнүндө чечим кабыл алынды.

Цемент заводдорунун дүң сатуу баалары 2025-жылдын 14-майына карата (сом менен)

Заводдун аталышы баштыкка (50 кг) 1 тоннага:

“Терек-Таш” 315 6300;

“Түштүк – Кыргыз цемент” 250 (Түндүк) – 310 (Түштүк) 5000 (Түндүк) – 6200 (Түштүк);

“Кант цемент заводу” 340 6800;

“Түштүк курулуш материалдар комбинаты” 320 6400;

“Шинжаң Пирим” 300 6000.