Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын төрагасы Женалы Орозбаев Венгриянын Будапешт шаарында 2025-жылдын 28-29-апрелинде Түрк мамлекеттеринин уюмунун монополияга каршы органдарынын кеңешмесине катышты. Тактап айтканда, жасалма интеллекттин акыркы тенденцияларына жана тажрыйбасына байланыштуу атаандаштык саясаты жөнүндө жогорку деңгээлдеги глобалдык талкууда.

Ж.Орозбаев баяндама жасап, Түрк мамлекеттеринин уюмунун монополияга каршы органдарынын кеңешмесинин катышуучулары менен учурашып, кабыл алуучу тарапка – Венгриянын атаандаштык боюнча агенттигине жана Чабе Балаж Риго мырзага жылуу кабыл алгандыгы, жогорку деңгээлде уюштурулгандыгы жана ар бир делегацияга кылдат мамиле жасагандыгы үчүн ыраазычылык билдирди.

“Бул жыйын бир туугандык, элдерибиздин тарыхый жана маданий жалпылыгына негизделген кызматташуубузду бекемдөөнүн маанилүү этабы болуп калды. Бардык мүчө өлкөлөрдүн монополияга каршы органдарынын жогорку даражалуу өкүлдөрүнүн жана уюмдун байкоочуларынын катышуусу түрк тилдүү мейкиндикте атаандаштык чөйрөнү өнүктүрүү боюнча биргелешип иштөө боюнча биздин ниетибиздин олуттуулугун айгинелейт. Биргелешкен аракеттер менен гана биз глобалдык чакырыктарга натыйжалуу жооп кайтара алабыз, экономикаларыбыздын атаандаштык позициясын бекемдей алабыз жана сергек рыноктук чөйрөнү түзө алабыз”, – деп баса белгиледи МКЖСКнын башчысы.

Ошондой эле Ж.Орозбаев белгилегендей, “жыйын атаандаштык саясаты жаатында кызматташуубузду тереңдетүү жолундагы кезектеги кадам болуп калды. Бүгүнкү күндө дүйнө жаңы чакырыктарга туш болгондо – санариптештирүү, жасалма интеллектти өнүктүрүү, глобалдык рынокторду трансформациялоо – биздин биргелешкен ишибиз өзгөчө мааниге ээ болууда. Жөн гана өзгөрүүлөрдү ээрчибестен, атаандаштыкты өнүктүрүүгө жана экономикалык адилеттүүлүккө стратегиялык мамилени калыптандыруу маанилүү.  Тажрыйба алмашуу, биргелешкен демилгелерди өнүктүрүү жана биздин ведомстволор ортосунда ишенимди бекемдөө аркылуу гана туруктуу прогресске жетишүүгө болот деп ишенебиз. Өзгөчө аялуу керектөөчүлөрдү коргоодо, атаандаштыкка каршы тажрыйбаларга каршы күрөшүүдө жана тез өзгөрүп жаткан санариптик чөйрөдө жөнгө салууга карата мамилелерди айкалыштырууда кызматташуунун маанилүүлүгүн баса белгилегим келет”, – деп жыйынтыктады КР ЭКМнин алдындагы Монополияга каршы жөнгө салуу кызматынын төрагасы.