Кыргыз Республикасынын Экономика жана коммерция министрлигине караштуу
Монополияга каршы жөнгө салуу кызматынын Чүй облустук бөлүмү 2024-жылдын 11-
декабрында Сокулук жана Москва райондорунда көмүргө болгон белгиленген
максималдуу чекене бааларга жана көмүрдүн коруна (запасы) мониторинг жүргүзүштү.
Мониторинг учурунда көмүргө болгон белгиленген максималдуу чекене бааларды
туура сактоо, таразаны камсыз кылуу жана көмүрдүн бааларын керектөөчүлөр үчүн
көрүнүктүү жерлерге жайгаштыруу боюнча түшүндүрүү иштери жүргүзүлдү.
Көмүрдүн баалары белгиленген максималдуу чекене баалардан ашык саткан 1
(бир) учур катталды. Жыйынтыгында Кыргыз Республикасынын Укук бузуулар жөнүндө
Кодексинин 290-беренесине ылайык физикалык жакка 3000 сом айып пул салынды.
2024-жылдын 11-декабрына карата жогорудагы райондордо жергиликтүү көмүр
төмөнкү бааларда сатылып жатат:
Сокулук району – жергиликтүү көмүр – 6000,0 – 6200,0 сом/тонна;
Москва району – жергиликтүү көмүр – 6300,0 сом/тонна;
Импорт көмүрү (Шабыркуль) – 6300,0 сом/тонна.
Чүй облустук бөлүмү тарабынан Чүй облусунун башка район жана шаарларында
көмүргө болгон белгиленген максималдуу чекене бааларга мониторинг жүргүзүү
улантылат.