Кыргыз Республикасынын Экономика жана коммерция министрлигине
караштуу Монополияга каршы жөнгө салуу кызматынын Ош облустук
бөлүмүнүн кызматкерлери тарабынан 2024-жылдын 25-ноябрында Ош
облусунун Кара-Суу районунун борбордук базарына социалдык маанилүү
товарлардын бааларына мониторинг жүргүзүлдү. Мониторингдин
жүрүшүндө 1 кг уй этинин баасы 600 сомдон, кой этинин баасы 630-650
сомдон, 1 кг кум шекердин чекене баасы 75-80сом, 1 литр өсүмдүк майы 125-
150 сом, картошка 40-50 сом, пияз жана сабиздин чекене баасы 30-35 сомго
чейин сатылып жаткандыгы аныкталды.
Андан сырткары, сатуучуларга бааны негизсиз көтөрүүгө жол бербөө
жана Кыргыз Республикасынын “Керектөөчүлөрдүн укуктарын коргоо
жөнүндө” Мыйзамынын талаптарын так сактоо боюнча түшүндүрүү иштери
жүргүзүлдү.