Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмүнүн кызматкерлери 2024-жылдын 19-ноябрында Кемин районунда жана Токмок шаарында көмүргө болгон белгиленген максималдуу чекене бааларга жана көмүрдүн коруна (запасы) мониторинг жүргүзүштү.

Мониторинг учурунда көмүргө болгон белгиленген максималдуу чекене бааларды туура сактоо, таразаны камсыз кылуу жана көмүрдүн бааларын керектөөчүлөр үчүн көрүнүктүү жерлерге жайгаштыруу боюнча түшүндүрүү иштери жүргүзүлдү.

Көмүрдүн баалары белгиленген максималдуу чекене баалардан ашык саткан учурлар катталган жок.

2024-жылдын 19-ноябрына карата жогорудагы район шаарларда жергиликтүү көмүр төмөнкү бааларда сатылып жатат:

Кемин району – “Кыргызкөмүр” МИ отун базасы – 5000,0 сом/тонна.

Токмок шаары – жергиликтүү көмүр – 5300 – 5600,0 сом/тонна;

Импорт көмүрү (Шабыркуль, Каражыра) – 6300,0 сом/тонна.

“Кыргызкөмүр” МИ отун базасы – 5100 сом/кг.

Чүй облустук бөлүмү тарабынан Чүй облусунун башка район жана шаарларында көмүргө болгон белгиленген максималдуу чекене бааларга мониторинг жүргүзүү улантылат.