Монополияга каршы жөнгө салуу кызматынын Талас облустук бөлүмүнө (мындан
нары “Кызмат”) Э.Дж. аттуу жаран Талас шаарындагы Сарыгулов көчөсүндө жайгашкан
“S.” аттуу уюлдук телефон сатылуучу дүкөнүнө карата кайрылган.
Кайрылуусунда көрсөтүлгөндөй, керектөөчү “S.” аттуу уюлдук телефон сатылуучу
дүкөнүнөн Redmi 12s аталышындагы уюлдук телефонун сатып алган. Бирок керектөөчү
уюлдук телефон тез убакыттын ичинде кубаттуулугун жоготуп өчүп калган. Керектөөчү
уюлдук телефонду дүкөнгө алып барганда, сатуучу тарабынан орой мамиле жасалганын
жана жогоруда аталган телефонду алмаштырып берүүдөн же которгон акчасын
кайтарууну талап кылганын билдирген.
Керектөөчүнүн талаптары канааттандырылбагандыктан, керектөөчү өзүнүн
керектөө укугун коргоо үчүн Кызматка кайрылган.
Кыргыз Республикасынын «Керектөөчүлөрдүн укуктарын коргоо жөнүндө»
Мыйзамынын 17-беренесининде “Эгерде сатуучу тарабынан эскертилбеген сапаты
жакшы эмес товар сатылса, керектөөчү өз каалоосу боюнча: товардын кемчилигин
акысыз четтетүүнү же керектөөчү же үчүнчү жак тарабынан ал кемчиликти оңдоого
кеткен чыгымдарды өндүрүүнү; сатык баасын тиешелүү түрдө азайтууну; ошондой
маркадагы (моделдеги, артикулдагы) товарга алмаштырууну; сатык баасын тиешелүү
түрдө кайра эсептөө менен башка маркадагы (моделдеги, артикулдагы) ошондой эле
товарга алмаштырууну; Соода-сатык келишимин бузуу жана сатуучуга талаптагыдай
эмес сапаттагы товарды кайтарып берүү менен товар үчүн төлөнгөн акча суммасын
кайтарып берүүнү талап кылат”-деп көрсөтүлгөн талаптарына ылайык бузуунун алдын
алуу максатында эскертүү берилип, түшүндүрүү иштери жүргүзүлдү.
Талас облустук бөлүмү тарабынан кайрылууну кароонун жыйынтыгы менен “S.”
аттуу уюлдук телефон сатылуучу дүкөнүнөн жетекчилиги тарабынан уюлдук телефон
үчүн которулган 19500 (он тогуз миң беш жүз) сом өлчөмүндөгү акча каражатын толук
көлөмдө кайтарып берди.