Көмүргө белгиленген чектүү баалардын сакталышын көзөмөлдөө максатында үстүбүздөгү жылдын 8-октябрында Бишкек шаардын аймагында Бөлүмдүн кызматкерлери жумушчу топтун курамында жана МИР24 телеканалынын катышуусунда көмүрду сатуу түйүндөрүндө мониторинг өткөрүлгөн.
Мониторингдин жүрүшүндө белгиленгендей, азыркы учурда рынокто көмүрдүн тартыштыгы байкалган жок. Бардык көмүр базаларында көмүр жетиштүү санда бар жана белгиленген чектүү баалардан жогору эмес сатылууда.
Ошондой эле, иш-чаранын жүрүшүндө Бөлүмдүн кызматкерлери тарабынан Кыргыз Республикасынын «Керектөөчүлөрдүн укуктарын коргоо жөнүндө» жана «Өлчөөлөрдүн бирдейлигин камсыз кылуу жөнүндө» мыйзамдарынын талаптарын сактоо боюнча бааларды белгилөө жолу менен түшүндүрүү иштери жүргүзүлүп жана “Бишкек шаарынын аймагында 90 календардык күнгө көмүргө максималдуу бааларды белгилөө жөнүндө” Буйругун так аткаруу боюнча иштери жүргүзүлдү.
Көмүрдүн баасын көзөмөлдөө иштери Кыргыз Республикасынын Экономика жана коммерция министрлигине караштуу Монополияга каршы жөнгө салуу Кызматынын Ж.Б. Орозбаевдин төрагасынын көзөмөлүндө турат.