Ош шаардык бөлүмүнүн кызматкерлери эт сатуучу жайларга мониторинг жүргүзүштү
04.10.2024Кызматтын Чүй облустук бөлүмү Токмок шаарында эттин чекене базар баасына мониторинг жургузду
07.10.2024Калк үчүн мунайзаттарды сатуу рыногунда кызматташуу жөнүндө кол коюлган Макулдашуунун алкагында, 2024-жылдын 2-октябрында Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматы тарабынан жетекчи Ж.Б. Орозбаевдин төрагалыгы алдында Кыргызстандын нефтетрейдерлери менен КММ рыногундагы баа маселеси боюнча жумушчу жолугушуу өткөрүлгөн.
Жумушчу кеңешмеге “РН-кыргызнефтепродукт” ЖАК, “Газпромнефть-Азия” ЖЧК, “Альфа Ойл” ЖЧК, “Партнер Нефть” ЖЧК жана “ШНОС” ЖЧК жана “Нефтетрейдерлер ассоциациясы” ЮЖБ өкүлдөрү катышышып, анда КММ рыногундагы кырдаал талкууланды.
Нефтетрейдерлердин маалыматы боюнча, учурда КММ рыногунда абал туруктуу бойдон калууда. Мунайзаттарды жеткирүү планына ылайык үзгүлтүксүз жүргүзүлөт. Мунайзаттардын запасы 1,5-2 айга жетет. Республиканын май куюучу жайларында өткөрүү чекене бааларынын бир аз жогорулашы Россиянын нефтини кайра иштетүүчү заводдорунда өткөрүү бааларынын жогорулашы менен байланыштуу.
Ошондой эле нефтетрейдерлер тарабынан КММ жеткирүү боюнча көйгөйлүү маселелер айтылды, өз кезегинде Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматы өз тарабынан нефтетрейдерлердин ишмердүүлүгүнө ар тараптуу колдоо көрсөтүүгө убада берди.
2024-жылдын башынан азыркы учурга чейин мунай өнүмдөрүнө болгон баа төмөнкү себептерден улам жогорулады:
– Россия Федерациясынын Өкмөтү тарабынан РФнын ички рыногун каныктыруу үчүн бензинди экспорттоого тыюу салынды, демек, экспортко сунуштун көлөмү кескин кыскарды, бул өз кезегинде күйүүчү майдын экспорттук баасынын өсүшүнө алып келди;
– заводдордун ремонтко токтоп калышы да рынокто күйүүчү майдын көлөмүнүн азайышына алып келет, ошого жараша баа өйдө көтөрүлөт.
Төмөнкү таблицада Бишкек шаарындагы май куйуучу жайларда баанын төмөндөшү боюнча тиешелүү маалымат көрсөтүлгөн.
Бишкек шаарынын май куюучу жайларында күйүүчү-майлоочу майга орточо чекене баалардын деңгээли (сом/литр)
| Аты | АИ-92 | ДТ | АИ-92 | ДТ |
| 01.01.2024г. | 02.10.2024г. | |||
| Газпром нефть Азия | 63,7 | 71,6 | 67,4 | 75,3 |
| Ред петролеум | 62,8 | 70,9 | 66,3 | 74,4 |
| Бишкек петролеум | 62,9 | 70,9 | 66,9 | 74,4 |
| Роснефть | 63,7 | 71,6 | 66,9 | 74,8 |
| Партнер нефть | 62,9 | 70,9 | 66,9 | 74,4 |
Жолугушуунун жыйынтыгы боюнча Кызматтын ыйгарым укуктарынын чегинде күйүүчү май менен камсыз кылуучулардын жана керектөөчүлөрдүн кызыкчылыктарынын тең салмактуулугун камсыз кылуу максатында, нефтетрейдерлерге төмөнкү сунуштамалар берилди:
– “Атаандаштык жөнүндө” Кыргыз Республикасынын Мыйзамынын талаптарын так сактоого;
– КММ жана СУГ бааларынын кескин жогорулашына жол бербөө;
– Кызматтын суроо-талаптарына ыкчам жооп берүү;
– рынокту толтуруу жана мунайзаттардын тартыштыгын түзүүгө жол бербөө үчүн КММнын зарыл корун камсыз кылуу.
