2024-жылдын 2- октябрында Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ысык-Көл облустук бөлүмүнүн кызматкерлери Каракол шаарында катуу отунду (көмүр) сатуучу чарба жүргүзүүчү субъекттерге көмүрдүн сатылышы боюнча иш-чара жүргүзүштү.
Убактылуу 90 календардык күндүк мөөнөткө көмүрдүн баасынын максималдуу деңгеээлин белгилөө жөнүндө Бөлүмдүн буйругун аткаруу максатында жана көмүрдү сатууда чарба жүргүзүүчү субъекттер тарабынан чекене баанын максималдуу чекене баасынан ашпоо боюнча түшүндүрүү иштери жүргүзүлдү.
Ошондой эле “Ак-Тилек”, “Ак-Тилек Плюс” базарларында социалдык жактан маанидеги товарларга (эт, ун, жумуртка, жашылчалар, ж.б) баалардын негизсиз көтөрүлүшүнө жол бербөө боюнча түшүндүрүү иштери жана бааларга болгон мониторинг жүргүзүштү.
Мониторингдин жыйынтыгы боюнча, социалдык жактан маанилүү товарларына баанын кескин жогорулашы аныкталган жок, баалар мурдагы денгээлде калууда. Бул иш такай көзөмөлдө болуп турат.