Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош шаары боюнча бөлүмүнүн кызматкерлери тарабынан, Ош шаарында керектөөчүлөрдүн укугун коргоо боюнча түшүндүрүү иштери жана КРнын “Керектөөчүлөрдүн укуктарын коргоо жөнүндө” мыйзамынын нормаларын сактоо максатында мониторинг жүргүзүлдү.

     Мониторинг “Керектөөчүлөрдүн укуктарын коргоо жөнүндө” Кыргыз Республикасынын Мыйзамын ишке ашыруу боюнча чаралар тууралуу №313 токтомунун, Кыргыз Республикасынын Экономика жана коммерция министрлигинин 13.05.2024-ж. № 42 сандуу буйругунун – Керектөөчүлөрдүн укуктарын коргоо чөйрөсүндө мониторинг жүргүзүүнүн тартибинин алкагында жана Кыргыз Республикасынын Экономика жана коммерция министирлигине караштуу Монополияга каршы жөнгө салуу кызматынын 2024-жылдын 22-май айында №07-1/41 сандуу тапшырмасына ылайык Ош шаары боюнча бөлүмүнүн 3 кварталга түзүлгөн иш планын негизинде Ош шаары Ленин көчөсүндө жайгашкан “Глобус” маркетинде мониторинг жүргүзүлдү.

    Мониторингдин жүрүшүндө жарактуулук мөөнөтү аяктагандан кийин максаты боюнча пайдалануу үчүн жараксыз деп эсептелген жана керектөөчүлөргө сатылбай турган товарлардын тизмесиндеги товарлар аныкталып, жеринде дүкөндүн жооптуу сатуучуларына аталган эрежелерди сактоо боюнча кеңири түшүндүрүү иштери жүргүзүлүп, жарактуу мөөнөтү аяктаган товарлар жеринен текчелерден алынып сатыктан алынды.

     Администратор тараптан аталган талаптар туура кабыл алынып, тез арада кемчиликти жоюп мындан нары эрежеге ылайык соода сатык жүргүзүлөөрүн билдиришти.

     Жогорудагыдай иш-чаралар белгиленген графике ылайык башка аймактарда дагы уланат.