Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын дарегине Х.Т. аттуу жарандан ЖЧК “С-з” карата (IT- иштеп чыгуучунун) программалык камсыздоосуна онлайн жеткиликтүүлүгүн камсыз кылуу кызматтарды көрсөтүү боюнча кайрылуу келип тушкөн.Кайрылууда көрсөтулгөндөй, керектөөчү программалык онлайн окууга алдын ала акчасын төлөгөн. Бирок ЖЧК тарабынан эч кандай кызмат көрсөтүлгөн эмес. Ошол себептен керектөөчү курска төлөнгөн акчасын кайтарып берүүнү талап кылган, бирок ЖЧК акчасын кайтарып берген эмес.“Керектөөчүлөрдүн укуктарын коргоо жөнүндө” Кыргыз Республикасынын мыйзамынын 4- беренесине ылайык Керектөөчү товардын (иштин, кызматтын) иш жүзүндө алынган саны үчүн төлөөнүн накталай жана/же накталай эмес формасында акы төлөйт.Аталган Кызмат тарабынан кайрылуунун негизинде “Керектөөчүлөрдүн укуктарын коргоо жөнүндө” Кыргыз Республикасынын мыйзамынын алкагында тиешелүү иштер жүргүзүлүп, натыйжада керектөөчүгө 93 940 сом акча каражаты кайтарылып берилген.Керектөөчүнүн талаптары канааттандырылган.