Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмү 2024-жылдын 26-апрелинде Сокулук, Аламүдүн, Ысык-Ата райондорунда жана Кант шаарында жайгашкан соода жайларында Кыргыз Республикасынын Өкмөтүнүн 2014-жылдын 30-сентябрындагы №560 токтому менен бекитилген “Кыргыз Республикасынын аймагында товарлардын айрым түрлөрүнө соода жүргүзүүнүн эрежелеринин” 22-1-пунтунун атакрылышы боюнча мониторинг жана түшүндүрүү иштери жүргүзүлдү.

Эреженин 22-1-пунктуна ылайык соода ишин ишке ашырууга карата төмөнкү талаптар каралган:

• Аянты 50 чарчы метрден жогору болгон соода залдарында ар бир товардык катарда ата мекендик өндүрүштөгү товарлар үчүн товардын өндүрүлгөн өлкөсүн көрсөтүү менен “Кыргызстанда жасалган” (“Made in Kyrgyzstan”, “Изготовлено в Кыргызстане”) шелфтокери бар өзүнчө стеллаждар/текчелер бөлүнүшү керек.
• Аянты 100дөн 200 чарчы метрге чейинки соода залдарында ар бир товардык катарда ата мекендик өндүрүштөгү товарларды саткан жерде товардын өндүрүлгөн өлкөсүн көрсөтүү менен “Кыргызстанда жасалган” (“Made in Kyrgyzstan”, “Изготовлено в Кыргызстане”) шелфтокери бар жеңил жарнамалык конструкциялар орнотулушу керек.
• Аянты 200 чарчы метрден ашык соода залдарында кыргыз өндүрүшүнөн чыккан товарларды саткан жерлерге керектөөчүлөрдүн көңүлүн буруу үчүн “Кыргызстанда жасалган” (“Made in Kyrgyzstan”, “Изготовлено в Кыргызстане”) деген маалыматтык көрсөтмөлөр, көрнөктөр, шелфтокерлер жана баннерлер коюлушу керек.

Мониторинг учурунда соода жайларында керектөөчүлөрдүн көңүлүн буруу үчүн “Кыргызстанда жасалган” деген шелфтокерлердин илингендиги, ал эми маалыматтык көрсөтмөлөр, көрнөктөр жана баннерлердин жоктугу аныкталды.

Эреженин 22-1-пунктун толук аткаруу керектиги боюнча соода жайларына түшүндүрүү иштери жүргүзүлдү.

Монополияга каршы жөнгө салуу кызматынын Чүй облустук бөлүмү тарабынан Эреженин 22-1-пунктунун аткарылышы боюнча мониторинг жүргүзүү дагы улантылат.