Кыргыз Республикасынын Өкмөтүнүн 2014-жылдын 30-сентябрындагы № 560 токтому менен бекитилген “Кыргыз Республикасынын аймагында товарлардын айрым түрлөрүнө соода жүргүзүүнүн эрежелеринин” 22-1 пунктунун негизинде, Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн (мындан ары – Бөлүм) кызматкерлери тарабынан 2024- жылдын 26-апрелинде Кара-Суу районунда жайгашкан ири соода түйүндөрүнө мониторинг жүргүзүлду. 

         Мониторингдин жүрүшүндө аянты 50 чарчы метрден жогору болгон соода залдарында ар бир товардык катарда ата мекендик өндүрүштөгү товарлар үчүн товардын өндүрүлгөн өлкөсүн көрсөтүү менен “Кыргызстанда жасалган” (“Made in Kyrgyzstan”, “Изготовлено в Кыргызстане”) деген маалымат жазылган атайын текчелер бөлүнүп турушу керектиги каралды.

         Мониторингдин жыйынтыгында 50 чарчы метрден жогору болгон соода түйүндөрүнүн арасынан “Глобус” соода борборунда гана “Кыргызстанда жасалган” (“Made in Kyrgyzstan”, “Изготовлено в Кыргызстане”) шелфтокерлери бар экендиги аныкталып, башка соода түйүндөрдүн жооптуу кызматкерлерине аталган эрежелерди сактоо боюнча түшүндүрүү иштери жүргүзүлдү.