Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмү 15-март дүйнөлүк керектөөчүлөрдүн укуктарын коргоо күнүнө карата 1 (бир) айлык иш планынын негизинде 2024-жылдын 13-мартында Токмок шаардык мэриясында Кызматтын төрагасынын орун басары А.А.Мамыралиевдин катышуусунда керектөөчүлөрдүн укуктары муниципалдык кызмат көрсөтүүдө корголушу жана “Керектөөчүлөрдүн укуктарын коргоо жөнүндө” Кыргыз Республикасынын мыйзамында көрсөтүлгөн мамлекеттик органдар жана жергиликтүү өз алдынча башкаруу органдарынын милдеттери боюнча  жолугушуу уюштурулду.  

Жолугушууга Токмок шаарынын биринчи вице-мэри Салмурбек уулу Азат, мамлекеттик, муниципалдык мекеме, ишканалардын жетекчилери жана Токмок шаардык мэриясынын болум башчылары катышты.

Жолугушуу учурунда төмөнкү багыттар боюнча талкуу жүргүзүлдү:

–  муниципалдык кызмат көрсөтүүлөрдүн сапаты боюнча;

– кызмат көрсөтүүдө керектөөчүлөргө толук маалыматтардын болуусу;

– кызмат көрсөтүүчү муниципалдык мекеме, ишканалардын жоопкерчилиги менен милдеттери боюнча;

– “Керектөөчүлөрдүн укуктарын коргоо жөнүндө” Кыргыз Республикасынын Кыргыз Республикасынын мыйзамынын негизинде мамлекеттик органдардын жана жергиликтүү өз алдынча органынын милдеттери боюнча;

– керектөөчүлөрдөн келип түшкөн арыздарды кароодо кызматташуу менен иш алып баруу боюнча. Ошондой эле Монополияга каршы жөнгө салуу кызматы тарабынан керектөөчүлөрдүн укуктарын коргоо жаатында жүргүзүлүп жаткан иштер жана Кызматтын ишмердүүлүгү, милдеттери, функциялары боюнча дагы толук маалыматтар берилди.