Кыргыз Республикасынын Экономика жана коммерция Министрлигине караштуу Монополияга каршы жөнгө салуу Кызматынын Баткен облустук бөлүмүнүн кызматкерлери тарабынан, 15-март Бүткүл дүйнөлүк керектөөчүлөрдүн укуктарын коргоо күнүнө карата бир айлык иш планынын негизинде 2024-жылдын 13-март күнү Баткен мамлекеттик университетинин студенттери менен жолугушуулар жүргүзүлдү.

Жолугушуунун жүрушүндө Монополияга каршы жөнгө салуу Кызматынын Баткен облустук бөлүмүнүн кызматкерлери, Баткен мамлекеттик университетинин студенттерине Кыргыз Республикасынын “Керектөөчүлөрдүн укуктарын коргоо жөнүндө” мыйзамынын талаптары, керектөөчү өз укугун кандай коргой аларын жана керектөөчүнүн укуктары бузулганда кайсыл мамлекеттик органдарга кайрылуу керектеги боюнча толук маалымат берилип түшүндүрүлдү. Андан тышкары студенттер тарабынан берилген суроолорго толук жооп иретинде түшүндүрүүлөр берилди.

Ошондой эле Монополияга каршы жөнгө салуу кызматынын Баткен облустук бөлүмдүн ишмердүүлүгүн көрсөтүү жана жайылтуу үчүн бөлүмдүн кызматкерлери,  керектөөчүлөрдүн укуктарын коргоо жаатында жүргүзүлүп жаткан иштери жана Кызматтын ишмердүүлүгү, милдеттери, функциялары боюнча толук  маалыматтар берилди.