Монополияга каршы жөнгө салуу кызматы/Служба антимонопольного регулирования А.А аттуу жарандан электрондук кайрылуусу келип түшкөн.

Билдирүүгө ылайык, керектөөчү “А..Т..” соода борборуна ваннага керектүү эмерек (тубма) сатып алган. Бирок үйгө келип жайгаштырганда тумбанын өлчөмү туура келбей калган.

Ошондон улам керектөөчү эртеси күнү “А..Т..” соода борборуна сатып алынган тумбанын акчасын кайтарып же алмаштырып берүү боюнча өтүнүчү менен кайрылган.

Бирок керектөөчүнүн талабы А..Т. соода борборунун администрациясы тарабынан канааттандырылган эмес.

  Дүкөн ээсине керектөөчүнүн алынган товарын кайтарып берүү укугу тууралуу түшүндүрүү иштери жүргүзүлдү.

 Жыйынтыгында  “А..Т..” соода борборунун администрациясы сатып алынган тумба үчүн төлөнгөн 30 100 миң сом акча каражатын керектөөчүгө кайтарып берген.

    ⛔️ Кыргыз Республикасынын “Керектөөчүлөрдүн укуктарын коргоо” мыйзамынын 24-беренесине ылайык, эгерде товар формасы, көлөмү, фасону, түсү, өлчөмү боюнча же башка себептер менен керектөөчү тарабынан тиешелүү максаты боюнча пайдаланылышы мүмкүн болбосо, керектөөчү сапаты талаптагыдай болгон мындай азык-түлүк эмес товарды өзү сатып алган сатуучудан алмаштырып алууга укуктуу.