Кыргыз Республикасынын Экономика жана коммерция министирлигине караштуу Монополияга каршы жөнгө салуу кызматынын Ош шаары боюнча бөлүмү (мындан ары – Бөлүм) тарабынан Ош шаарындагы “Топ спорт” соода жайына эскертме берилди.

Кыргыз Республикасынын «Жарнак жөнүндө» Мыйзамынын талаптарын сактоо максатында Ош шаары бөлүмүнүн кызматкерлери тарабынан 2024-жылдын 18-январында Ош шаарынын аймагындагы тышкы жарнактарга мониторинг жүргүзүлүп, анын жүрүшүндө спорт товарларын саткан магазин тарабынан «Жарнак жөнүндө» мыйзамдын 16-1-беренесинин «Сатылган товарлардын баасын төмөндөтүү жөнүндө жарнак» беренесине карама-каршы келген мыйзам бузуулар аныкталган. Тактап айтканда, арзандатуу жарыясынын башталышы жана аяктоо датасы көрсөтүлгөн эмес. Кыргыз Республикасынын “Жарнак жөнүндө” мыйзамдын талаптары аткарылбаганы үчүн эскертме берилди.