Кыргыз Республикасынын Министрлер Кабинетинин 2023-жылдын 8-сентябрындагы “Социалдык  маанилүү  товарларга  бааларды мамлекеттик  жөнгө салуу жөнүндө” №455 токтомунун жана Кыргыз  Республикасынын  Экономика  жана коммерция министрлигинин 2023-жылдын 18-октябрындагы “Кыргыз  Республикасынын  аймагында  көмүргө  болгон  бааларды убактылуу мамлекеттик  жөнгө салууну киргизүү жөнүндө” №133 буйругунун негизинде, Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн 2023-жылдын 25-октябрындагы №4/28 буйругу менен Ош облусунун аймагында калкка сатылуучу көмүрдүн чекене бааларынын максималдуу денгээли 90 календарлык күндүк мөөнөткө белгиленди. Аталган буйруктун аткарылышын көзөмөлдөө максатында, 2023-жылдын 20-декабрь күнү Ош облустук бөлүмүнүн кызматкерлери Кыргыз  Республикасынын  Президентинин  Ош  облусундагы   ыйгарым  укуктуу өкүлчүлүгүнүн, Кыргыз Республикасынын Жаратылыш ресурстары, экология жана техникалык көзөмөл министрлигинин Ош регионалдык башкармалыгынын, мамлекеттик салык кызматынын Өзгөн району боюнча башкармалыгынын, Өзгөн райондук администрациясынын жана айыл өкмөттөрдүн, Өзгөн шаардык мэриясынын өкүлдөрү менен биргеликте Өзгөн районунун аймагында көмүр сатуучуларга көмүрдүн чекене бааларынын максималдуу денгээли белгиленгендиги жөнүндө буйрук менен тааныштырып, буйруктун аткарылышы жөнүндө түшүндүрүү иштери жүргүзүлдү.                       Түшүндүрүү иштеринин жүрүшүндө Өзгөн районунун аймагында көмүрдүн максималдуу деңгээли электен өткөнү 1кг 7,3 сомдон, эленбеген түрү 1 тоннасы 6500 сомдон белгиленгени жөнүндө маалымат берилип, бааны көтөрбөө боюнча түшүндүрүү иштери жүргүзүлдү жана белгиленген көмүрдүн баасы жөнүндө маалыматтар илинди.                                  

Андан сырткары, Өзгөн районунун аймагында 4 көмүр сатуучу жайга белгиленген көмүрдүн баасы жөнүндө маалыматтын жоктугу (илбегендиги) үчүн 1000 сомдон айып пулдар жана 1 көмүр сатуучу жайга белгиленген баадан жогору сатып жаткандыгы үчүн 3000 сом айып пул салынды.