Кыргыз Республикасынын Экономика жана коммерция министирлигине караштуу Монополияга каршы жөнгө салуу кызматынын Ош шаары боюнча  бөлүмү тарабынан Ош шаарындагы чекене нан саткан жайга айып пул салынды.

2023-жылдын 19-декабрь күнү Ош шаардык бөлүмүнүн кызматкерлери Ош шаарындагы жеке ишкер Н.М.Нурматов тарабынан чекене нан саткан жайда  1-сорттогу буудай унунан жасалган 296 грамм тандыр нанын 40 сомдон сатылып жаткандыгы аныктаган.

Тактап айтканда, белгиленген баадан 10 сомго жогору сатылып жаткан. Ош шаары боюнча бөлүмүнүн 2023-жылдын 9-октябрындагы “Ош шаары  боюнча 90 календардык күнгө 1-сорттогу буудай унунан жасалган нандын (бөлкө нан), нан азыктарынын (тандыр нан) чекене бааларынын максималдуу децгээлин белгилөө жөнүндө” №9 сандуу буйруктун талабы боюнча 296 грамм салмактагы тандыр нан –29,6 сомдон сатылуусу зарыл.

Буйруктун талаптарын аткарбагындыгы үчүн чекене нан саткан жайга Кыргыз Республикасынын “Укук бузуулар жөнүндө” Кодексинин 290-беренесинин 1-пунктуна ылайык физикалык жак катары 3000 ( үч миң) сом өлчөмүндө айып пул салынды.