Кызматтын дарегине К.О. аттуу жарандан сатып алынган товар үчүн төлөнгөн акча каражатын кайтарып берүү маселеси боюнча электрондук кайрылуусу келип түшкөн.

Билдирүүгө ылайык, керектөөчү “Дордой” базарынан С.Э. аттуу сатуучудан килем сатып алган, бирок үйгө келгенде килемдин өлчөмү туура келбейт экенин байкаган.

Ошого байланыштуу, керектөөчү эртеси күнү С.Э. сатуучуга сатып алынган килем боюнча акча каражатын кайтарып же алмаштырып берүү боюнча өтүнүчү менен кайрылган. Бирок, тилекке каршы керектөөчүнүн талаптары С.Э. сатуучу тарабынан канаттандырылган эмес.

Кайрылуунун негизинде Кызмат Кыргыз Республикасынын “Керектөөчүлөрдүн укуктарын коргоо” мыйзамынын 24-беренесине ылайык, эгерде товар формасы, көлөмү, фасону, түсү, өлчөмү боюнча же башка себептер менен керектөөчү тарабынан тиешелүү максаты боюнча пайдаланылышы мүмкүн болбосо, керектөөчү сапаты талаптагыдай болгон мындай азык-түлүк эмес товарды өзү сатып алган сатуучудан алмаштырып алууга укуктуу.

Керектөөчү сапаты талаптагыдай болгон азык-түлүк эмес товарды сатылып алынган күндү кошпогондо он төрт күндүн ичинде алмаштырып алууга укуктуу, С.Э. аттуу сатуучу менен тиешелүү түшүндүрүү иштери жүргүзүлгөн. Тактап айтканда, керектөөчүнүн алынган товарын кайтарып берүү укугу тууралуу түшүндүрүү иштери жүргүзүлдү.

Ошону менен бирге, түшүндүрүү иштеринин жыйынтыгы менен С.Э. аттуу сатуучу сатып алынган товар (килеми) үчүн төлөнгөн 28000 миң сом акча каражатын керектөөчүгө кайтарып берген.