Кыргыз Республикасынын Министрлер Кабинетинин 2023-жылдын 8-сентябрындагы №455 “Социалдык маанилүү товарларга бааларды мамлекеттик жөнгө салуу жөнүндө” токтомун жана Кыргыз Республикасынын Экономика жана коммерция министрлигинин “Социалдык маанилүү товарларга бааларды мамлекеттик жөнгө салуу жөнүндө” токтомун, 2023-жылдын 3-октябрындагы № 129 “Кыргыз Республикасынын аймагында биринчи сорттогу унунан жасалган нан (бөлкө нан) нан азыктарына (тандыр нан) бааларды убактылуу мамлекеттик жөнгө салууну киргизүү жөнүндө” буйругунун Кыргыз Республикасынын Монополияга каршы жөнгө салуу кызматынын 2023-жылдын 9-октябрындагы № 01-12/5 «Бишкек шаарынын аймагында 90 күндүк мөөнөткө биринчи сорттогу унунан жасалган нан (бөлкө нан) нан азыктарына (тандыр нан) баанын максималдуу деңгээлин белгилөө жөнүндө, буйругун аткаруу максатында иштер жүргүзүлдү.

Ошентип, 2023-жылдын 17-октябрында бул максатта Кыргыз Республикасынын экономика жана коммерция министрлигине караштуу Монополияга каршы жөнгө салуу кызматынын Бишкек шаардык бөлүмүнүн кызматкерлери, «АлаТоо 24» телерадиоканалынын журналисттери, Биринчи май жана Ленин райондук мамлекеттик администрацияларынын жана РИИБ өкүлдөрү менен биринчи сорттогу унунан жасалган нан (бөлкө нан) нан азыктарына (тандыр нан) баанын максималдуу деңгээлин белгилөө жөнүндө сакталышы боюнча иш-чаралар (мониторинг) жүргүзүлдү.

Бул иш-чаранын жүрүшүндө Бөлүмдүн кызматкерлери тарабынан Кыргыз Республикасынын «Керектөөчүлөрдүн укуктарын коргоо жөнүндө» жана «Өлчөөлөрдүн бирдейлигин камсыз кылуу жөнүндө» мыйзамдарынын талаптары боюнча бааларды белгилөө аркылуу түшүндүрүү иштери жүргүзүлдү.

Ошону менен бирге, Бишкек шаарынын ар бир районунда рейддерди өткөрүү боюнча комиссиялар түзүлүп, анын негизинде шаардын бардык райондорунда күн сайын максималдуу баалардын сакталышы боюнча мониторинг жүргүзүлөт.