«Нурзаман» курулуш компаниясына кыз ала качуу боюнча этикага жат жарнама үчүн айып пул салынды.
16.10.2023
Сокулук районунда нан баасына мониторинг жүргүзүлдү
17.10.2023Кыргыз Республикасынын Министрлер Кабинетинин 2023-жылдын 8-сентябрындагы “Социалдык маанилүү товарларга бааларды мамлекеттик жөнгө салуу жөнүндө” №455 токтомунун жана Кыргыз Республикасынын Экономика жана коммерция министрлигинин 2023-жылдын 3-октябрындагы “Кыргыз Республикасынын аймагында биринчи сорттогу буудай унунан жасалган нан (бөлкө нан), нан азыктарына (тандыр нан) бааларды убактылуу мамлекеттик жөнгө салуу жөнүндө” №129 буйругунун негизинде, Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн (мындан ары–Бөлүм) 2023-жылдын 9-октябрындагы №4/27 буйругу менен, Ош облустунун аймагында сатылуучу биринчи сорттогу буудай унунан жасалган нан (бөлкө нан), нан азыктарынын (тандыр нан) чекене жана дүн баасынын жогорку чектик денгээли белгиленди. Аталган буйруктун аткарылышын көзөмөлдөө максатында, 2023-жылдын 16-октябрь күнү Бөлүмдүн кызматкерлери тарабынан Алай райондук салык кызматынын өкүлү менен биргеликте Алай районунун Гүлчө айылында нан жасоочуларга жана аймактагы нан сатуучуларга, биринчи сорттогу буудай унунан жасалган бөлкө жана тандыр нандын чекене жана дүн баасынын жогорку чектик денгээли белгилендиги жөнүндөгү буйрук менен тааныштырып, буйруктун аткарылышы жөнүндө түшүндүрүү иштери жүргүзүлдү. Бүгүнкү күндө сатылып жаткан 422-428гр бөлкө наны 25 сомдон, ал эми 312-315гр тандыр наны 30 сомдон, 260гр тандыр нандын дүң баасы 22, чекене баасы 25 сомдон сатылып жаткандыгы аныкталды.





