Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмү Аламүдүн районунда Кыргыз Республикасынын “Жарнама жөнүндө” мыйзамынын талаптарынын сакталышы боюнча мониторинг жүргүздү. Мониторингтин жүрүшүндө мыйзамдын 5-беренесинин 4 жана 5-пунктарына туура келбеген “Келет” жана “MNS Holding» ЖЧКдоруна тийиштүү жарнама аныкталды: эгерде жарнама берүүчүлөрдүн иши лицензияланууга тийиш болсо, Кыргыз Республикасынын аймагында “иши лицензияланганын” билдирүү жетиштүү болгон радиодогу жарнаманы кошпогондо, жарнамада лицензиянын номери жана берилген датасы, ошондой эле лицензияны берген органдын аталышы көрсөтүлүшү керек.
5-беренеси 5-пункту шайкештигин сертификациялоо же декларациялоо формасында шайкештиги милдеттүү ырасталууга тийиш болгон товарлардын жарнамасы шайкештикти милдеттүү ырастоо жол-жобосунан өтүү жөнүндө белги менен коштолууга тийиш.
Жыйынтыгында Кыргыз Республикасынын укук бузуулар Кодексинин 403-беренесинин негизинде “Келет” жана “MNS Holding» ЖЧКдоруна баардыгы болуп 34000 сом айып пул салынды.
