Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн адистери, Ош облусунун Өзгөн районунун мамлекеттик администрациясы кызматкерлери менен биргеликте 2023-жылдын 3-августунда Өзгөн районунун базарларында жана ири соода дүкөндөрүндө социалдык жактан маанилүү товарларга мониторинг жүргүздү.

Мониторингдин жүрүшүндө, Өзгөн районунда уй этинин 1кг чекене баасы – 500-520 сомдон, кой этинин 1кг чекене баасы–600 сомдон, картошканын 1кг чекене баасы – 35-50 сомдон, ал эми кумшекердин 1кг чекене баасы – 82-85 сомдон сатылып жаткандыгы аныкталды.

Мониторинг учурунда, сатуучуларга баалардын негизсиз көтөрүлүшүнө жол бербөө жана Кыргыз Республикасынын «Атаандаштык жөнүндө», «Керектөөчүлөрдүн укуктарын коргоо жөнүндө» мыйзамдарынын талаптарын так аткаруу боюнча түшүндүрү иштери жүргүзүлдү.