Монополияга каршы жөнгө салуу кызматы/Служба антимонопольного регулирования Ош облустук бөлүмүнүн башчысы Ынтымак Осмонов жана бөлүмдүн кызматкерлери тарабынан 2023-жылдын 13-июнь күнү Ноокат районунун базарында жана ири соода дүкөндөрүндө эттин бааларына жана социалдык жактан маанилүү товарларга мониторинг жүргүзүлдү. Учурда уй этинин 1 кг чекене баасы – 500 сомдон, ал эми кой этинин 1 кг чекене баасы – 600 сомдон сатылып жаткандыгы аныкталды. Мониторингдин жыйынтыгында, сатуучуларга баалардын негизсиз көтөрүлүшүнө жол бербөө жана керектөөчүлөрдүн укуктарын коргоо тууралуу мыйзам талаптарын так аткаруу боюнча түшүндүрмөлөр берилди.