2023-жылдын 13-май күнү Монополияга каршы жөнгө салуу кызматынын Нарын облустук бөлүмүнө, Нарын шаарынын РТС аймагындагы Сейил-Булак көчөсүнүн №21-үйүнүн тургуну Шаршекеев Марсбек “Альфа-Ойл РЕД Петролеум” ЖЧКнын май куюучу жайы боюнча арыз менен кайрылган. Арызды кароого Экономика жана коммерция Министрлигинин Нарын аймактар аралык башкармалыгы тарабынан, пландан тышкары текшерүү жүргүзүүгө №07210223-1 жолдомо алынып, атайын комиссия түзүлгөн. Комиссиянын курамына Нарын шаардык мэриясынын башкы адиси, юрист А. Байышов, Нарын сыноо сертификация жана метрология борборунун башкы адиси А. Алдашов, Нарын шаардык Мамлекеттик салык кызматынын ага инспектору М. Мамбетов жана аталган май куюучу жайдын башчысы Б. Муканбетов кирген. Комиссия Кыргыз Республикасынын “Керектөөчүлөрдүн укуктарын коргоо жөнүндө”, жана “Өлчөө бирдиктүүлүгүн камсыз кылуу” мыйзамынын негизинде текшерүү жүргүздү.

Жаңы-Жол аймагындагы №3 май куюучу жайда сатылып жаткан Аи-95, Аи-92, Аи-92 маркасындагы евро бензинди атайын 2-разряддагы М2Р-10-01 сандуу эталон чени менен өлчөө жүргүзгөндө кемчиликтер аныкталган жок. Ал эми Нарын шаарындагы Шаркыратма аймагындагы Ж.Шералиев көчөсүндө жайгашкан №2 май куюучу жайды текшерүү учурунда, АИ-95 маркасындагы бензиндин куюучу түтүкчөсү иштебей калгандыктан, кардарга куюп берүү учурунда өлчөмүнөн айырма чыгып, нааразычылык жаралган. Текшерүүнүн жыйынтыгында «Альфа Ойл RED Petroleum» ЖЧКнын май куюучу жайына акты түзүлүп, аныкталган кемчиликтерди четтетүү боюнча, Укук бузулар жөнүндө Кодексинин 390-беренесинин 1-бөлүмүнүн негизинде, №23-02-054-01-1000006 сандагы протокол түзүлүп, 17000 сом өлчөмүндө айып пул салынды. Ошондой эле Аи-95 маркасындагы бензин сатыктан убактылуу токтотулду.