Таласта коомдук тамактануучу жайларда мониторинг жүргүзүлдү
30.01.2026Ичүүчү суу менен камсыз кылуу кызматынын бааларын макулдашуу жөнүндө
03.02.2026Кыргыз Республикасынын Экономика жана коммерция министрлигине караштуу
Монополияга каршы жөнгө салуу кызматынын Талас облустук бөлүмү тарабынан
2026-жылдын 28-январында Талас шаарында жарнама жайылтуучу ишкердик субъекттеринин арасында Кыргыз Республикасынын «Жарнама жөнүндө» мыйзамынын талаптарын сактоо жана берилген жазма эскертмелердин өз убагында аткарылышы боюнча контролдук мониторинг жүргүзүлдү.
Мониторингдин негизги максаты — ишкерлерге мыйзамдын талаптарын жеткиликтүү түшүндүрүү жана мыйзам бузуулардын алдын алуу болуп саналат.
Иш-чаранын жүрүшүндө төмөнкү жайларда мыйзам талаптары сакталбай жаткандыгы аныкталды:
- Талас шаарынын Оторбаев көчөсү, №214 дарегинде жайгашкан («Алтын Казык» соода борборунун экинчи кабатында жайгашкан) «Моё бельё» айымдар дүкөнү;
- Талас шаарынын Мырзалиев көчөсү, №64 дарегинде жайгашкан «Индира» эмеректер дүкөнү;
- Талас шаарынын Мырзалиев көчөсү, №67а дарегинде жайгашкан «Барс» балдар оюнчуктары дүкөнү;
- Талас шаарынын Турлаев көчөсү, №181 дарегинде жайгашкан «Мир кондитера» кондитердик дүкөнү;
- Талас шаарынын Сарыгулов көчөсү, №41 дарегинде жайгашкан «Азамат» кеңсе буюмдар дүкөнү.
Аталган жайларда Кыргыз Республикасынын «Жарнама жөнүндө» мыйзамынын 5-беренесинин 3-пунктунун талаптары толук көлөмдө аткарылбай жатканы белгилүү болду. Тактап айтканда, жарнама мазмунунда мамлекеттик тилди колдонуу боюнча милдеттүү талаптар сакталган эмес.
Аныкталган мыйзам бузуулар боюнча ишкерлерге мыйзамдын тиешелүү нормалары түшүндүрүлүп, мыйзам талаптарын сактоону камсыз кылуу үчүн жазма эскертүүлөр берилди (№ 01-8/17, 30.01.2026-ж., кол койгон: Уметов К.Э.).
Мындан тышкары, контролдук көзөмөлдүн жыйынтыгында мурда берилген жазма эскертүүлөр ишкерлер тарабынан талапка ылайык аткарылгандыгы белгиленди.
Белгилей кетүүчү жагдай, мындай алдын алуучу түшүндүрүү жана көзөмөл иш-чаралары туруктуу негизде жүргүзүлөт. Бул иштердин алкагында Монополияга каршы жөнгө салуу кызматынын Талас облустук бөлүмү Талас облусундагы жарнама жайылтуучу субъекттер менен тыгыз байланышта болуп, мыйзам талаптарын сактоо боюнча үзгүлтүксүз түшүндүрүү иштерин жүргүзүп келет.