Кыргыз Республикасынын Экономика жана коммерция министрлигине
караштуу Монополияга каршы жөнгө салуу кызматынын Ош облустук бөлүмүнүн
кызматкерлери тарабынан Өзгөн райондук мамлекеттик администрациясынын жана
мамлекеттик салык кызматынын Өзгөн району боюнча башкармалыгынын адистери
менен биргеликте, 2026-жылдын 14-январында Өзгөн районунун аймагында эт жана
көмүр сатуучу жайларда эттин (уй жана кой эти, сулп этинен башкасы) жана
көмүрдүн белгиленген бааларынын сакталышына мониторинг жүргүзүлдү.
Мониторингдин жүрүшүндө, Өзгөн районунун аймагында эттин баасы
белгиленген максималдуу чекене баадан жогору саткан жана эттин баасы жөнүндө
маалыматтар жок учурлар аныкталып, жыйынтыгында 3 айып пул салынды.
Мониторингдин жыйынтыгында, эт жана көмүр сатуучуларга эттин
белгиленген баадан жогору сатпоо жана керектөөчүлөр үчүн сатылып жаткан эттин
жана көмүрдүн белгиленген бааларын көрүнүктүү жерлерге илинип туруусу боюнча
түшүндүрүү иштери жүргүзүлдү.