Кыргыз Республикасынын Экономика жана коммерция министрлигине караштуу
монополияга каршы жөнгө салуу кызматынын Баткен облустук бөлүмүнүн адистери, Баткен
шаарынын мэриясынын кызматкерлери жана Баткен шаарынын ички иштер бөлумүнүн
кызматкерлери, менен биргеликте 2025-жылдын 21-октябрында Баткен шаарынын эт сатуучу
жайларына эттин максималдуу бааларына мамлекет тарабынан жөнгө салуу киргизилген
боюнча белгиленген бааларына мониторинг жүргүзүлдү.
Мониторингдин жүрүүсүндө негизинен эт сатуучу жеке ишкерлердин арасында өз
алдынча бааны көтөрбөө боюнча түшүндүрүү иштери жүргүзүлдү, Монополияга каршы
жөнгө салуу кызматынын Баткен облустук бөлүмү тарабынан чыгарылган 2025-жылдын 11-
августундагы №27 буйрук менен тааныштыруу менен кабарлоону ар бир эт сатуучу жеке
ишкерге жеткирип, уй этинин 1 кг 670 сомдон ал эми кой этинин 1 кг 680 сомдон сатуу
тууралуу иштери жүргүзүлдү.
Мониторингдин жыйынтыгында эт сатуучу жеке ишкерлердин арасында,
“Атаандаштык жөнүндө” жана “Керектөөчүлөрдүн укуктарын коргоо жөнүндө” Кыргыз
Республикасынын мыйзамдарынын нормаларын ишке ашыруунун алкагында эт сатуучу
ишкерлерге бааларды туруктуу кармоо, негизсиз жогорулатууга жол бербөө тууралуу
түшүндүрүү иштери жүргүзүлдү.
Ушундай эле иш-чаралар Баткен облусунун башка район-шаарларында уюштурулуп
турат.