Кызматтын дарегине ****** аттуу жарандын электрондук кайрылуусу келип түшүп, анда “А.И…” ЖЧКсынын ишмердүүлүгүнө байланыштуу керектөөчүлөрдүн укуктарын коргоо маселеси көрсөтүлгөн

Кайрылууда керектөөчү “А.И…” ЖЧКсына батир тандоо кызматы үчүн кайрылып, 500 евро өлчөмүндө алдын ала төлөм (задаток) бергендиги айтылат. Бирок компания келишимдеги милдеттенмелерин аткарган жок.

Кыргыз Республикасынын Жарандык кодексине ылайык, келишимди аткарбоо учурунда алдын ала төлөмдү алган тарап аны эки эсе көлөмүндө кайтарышы керек.

Кайрылуу келип түшкөндөн кийин, Кызмат тарабынан “А. И…” ЖЧКсына электрондук кайрылуу билдирилип, эки тараптын катышуусунда жыйын өткөрүлдү. Иштин жыйынтыгында, керектөөчүгө алдын ала төлөмдүн эки эсе көлөмү болгон 1000 евро “А. И…” ЖЧКсы тарабынан кайтарылып берилди.